Azərbaycan, Bakı, 28 mart /Trend, müxbir M.Əliyev/
Azərbaycan Mətbuat Şurasının sədri Əflatun Amaşov bazar ertəsi daxili işlər naziri Ramil Usubovla jurnalist Seymur Həziyevlə bağlı insidenti müzakirə edib. Trend-in məlumatına görə, bu barədə Mətbuat Şurasından bildiriblər.
Martın 26-da naməlum şəxslər tərəfindən "Azadlıq" qəzetinin əməkdaşı Seymur Həziyevə bədən xəsarətləri yetirilib.
Görüşdə hadisə ilə bağlı araşdırmanın aparılması məqsədilə DİN-in və Baş Prokurorluğun xüsusi nümayəndələrinin hadisə yerinə ezam edilmək üçün ayrıldıqları bildirilib. Nazir Usubov ibtidai araşdırmanın təşkilini, işin hallarının tam, hərtərəfli, obyektiv araşdırılması istiqamətində zəruri tədbirlərin görülməsinin təmin edilməsini DİN-in Baş İstintaq və Təhqiqat İdarəsinin rəisi, general-mayor Sərvər Mehralıyevə həvalə edib.