Azərbaycan, Bakı, 5 may /Trend, müxbir Z.Əhmədova/
Azərbaycanın təhsil naziri Misir Mərdanov ümumtəhsil məktəblərində buraxılış imtahanlarında istifadə olunan test tapşırıqlarında aşkar edilmiş səhvlər barədə danışıb.
"Vahid buraxılış imtahanlarında istifadə olunan bütün test tapşırıqları xarici mütəxəssislərin iştirakı ilə Təhsil Nazirliyinin mütəxəssisləri tərəfindən hazırlanır. Hazırda aşkar olunan səhvlər nazirliyin mütəxəssisləri tərəfindən öyrənilir", - Trend-in məlumatına görə, Mərdanov cümə axşamı Respublika fənn olimpiadasının nəticələrinə həsr olunmuş mətbuat konfransında bildirib.
Onun sözlərinə görə, ən yaxşı variant ictimaiyyətin bu prosesdə fəal iştirak etməsi üçün test suallarının ictimai müzakirələrə çıxarılması olardı.