Azərbaycan, Bakı, 3 avqust /Trend, müxbir İ.İsabalayeva/
Azərbaycan Səhiyyə Nazirliyinin Respublika Gigiyena və Epidemiologiya Mərkəzi (RGEM) yaxın günlərdə ticarət mərkəzlərində satılan süd məhsullarının təhlükəsizlik göstəricilərini öyrənmək məqsədilə yoxlamalara başlayacaq.
Bu barədə Trend-ə Mərkəzin qidalanma gigiyenası bölməsinin müdiri İmran Abdullayev məlumat verib.
O bildirib ki, yoxlamalar Bakı, Sumqayıt şəhərləri və Abşeron rayonundakı ticarət mərkəzlərində aparılacaq.
RGEM ticarət mərkəzləri ilə yanaşı, istehsal müəssisələrindəki süd məhsullarının da təhlükəsizlik göstəricilərini yoxlayacaq.