Azərbaycan, Bakı, 12 sentyabr /Trend/
UEFA-nın qərarına əsasən, oyun alqı-satqısının və qanunsuz futbol mərc oyunlarının qarşısını almaq məqsədilə şəbəkə yaradılır. Bu qərara uyğun olaraq, UEFA-nın üzvü olan bütün milli assosiasiyalarda oyunların alqı-satqısının və qanunsuz futbol mərc oyunlarının qarşısını almaq üçün UEFA tərəfindən nümayəndə təyin olunub.
Azərbaycan Futbol Assosiasiyaları Federasiyasının mətbuat xidmətindən Trend-ə bildiriblər ki, AFFA-da UEFA-nın nümayəndəsi AFFA-nın hüquqşünası Rəmiş Təzəxan oğlu Malıyev təyin edilib. Şəbəkənin fəaliyyətə başlaması ilə əlaqədar 14-15 sentyabr tarixlərində İsveçrənin Nyon şəhərində UEFA-nın ilk işçi seminarı keçiriləcək. Həmin seminarda Rəmiş Malıyev də iştirak edəcək.