...

Narkoloji Dispanserin korrupsiyada ittiham olunan vəzifəli şəxsləri azadlığa buraxılıb

Cəmiyyət Materials 9 Fevral 2012 14:54 (UTC +04:00)
Səhiyyə Nazirliyinin Narkoloji Dispanserinin korrupsiya cinayətlərində ittiham olunan vəzifəli şəxslərinin apelyasiya şikayətinə baxılıb.
Narkoloji Dispanserin korrupsiyada ittiham olunan vəzifəli şəxsləri azadlığa buraxılıb

Trend-i buradan izləyin

Azərbaycan, Bakı, 9 fevral / Trend müxbir K.Zərbalıyeva/

Səhiyyə Nazirliyinin Narkoloji Dispanserinin korrupsiya cinayətlərində ittiham olunan vəzifəli şəxslərinin apelyasiya şikayətinə baxılıb.

Bakı Apelyasiya Məhkəməsindən Trend-ə verilən məlumata görə, dispanserin baş həkimi Könül Vəliyeva və həkim Faiq Quliyev barəsindəki məhkəmə hökmü dəyişdirilib.

Onların hər iksinə Cinayət Məcəlləsinin 70-ci maddəsi tətbiq edilməklə Vəliyeva 3 il, Quliyev 2 il sınaq müddətinə şərti olaraq azadlıqdan məhrum edilib. Onlar məhkəmə zalından azadlığa buraxılıb.

Bakı Ağır Cinayətlər Məhkəməsinin hökmü ilə Vəliyeva 6 il 3 ay, Quliyev isə 6 il müddətinə azadlıqdan məhrum edilmişdi.

Vəliyeva Cinayət Məcəlləsinin 308-ci (vəzifə səlahiyyətindən sui-istifadə etmə) və 311-ci (rüşvət alma), Quliyev isə rüşvət alma maddələrinə əsasən ittiham olunub.

Xəbər lenti

Xəbər lenti