Azərbaycan, Bakı, 16 mart /Trend, müxbir M.Əliyev/
Azərbaycan Uşaq Təşkilatının sədri, deputat Gülər Əhmədova orta məktəblərdə uşaqlar üçün media dərslərinin keçilməsini təklif edir.
Trend-in məlumatına görə, Milli Məclisdə hökumətin hesabatının müzakirəsi zamanı Əhmədova bildirib ki, televiziyada və ya mətbuat orqanlarında zorakılıqla bağlı kifayət qədər məlumatlar yayımlanır.
O qeyd edib ki, bir sıra ölkələrdə olduğu kimi, şagirdlərə bu məlumatları düzgün analiz etmək öyrədilməlidir.
"Bu, uşaqların psixi sağlamlığını qorumağa imkan verəcək", - o deyib.
Əhmədova, həmçinin qeyd edib ki, mülki müdafiə tədrisinin keyfiyyətinin artırılması zəruridir.