Azərbaycan, Bakı, 17 dekabr /Trend/
Azərbaycan prokurorluq orqanlarına işə qəbulla əlaqədar elan edilmiş müsabiqənin ikinсi-yazılı imtahan mərhələsinə yekun vurulub.
Baş Prokurorluğun mətbuat xidmətindən Trend-ə verilən məlumata görə, yazılı imtahandan müvəffəqiyyətlə keçmiş namizədlərin siyahısı Baş Prokurorluğun veb-saytında (www.genprosecutor.gov.az, www.prokurorluq.gov.az) və Qəbul otağında yerləşdirilib.
Müsabiqənin ikinci mərhələsində müvəffəqiyyət qazanmış 51 namizəd Ədliyyə Nazirliyinin Baş Tibb İdarəsində 18 dekabr 2012-ci il tarixdən şəxsiyyət vəsiqəsini təqdim edərək tibbi müayinədən keçməli və müsbət rəy aldıqdan sonra növbəti müsahibə mərhələsində iştirak etmək hüququnu əldə edə bilərlər.
Müsahibə mərhələsi 2012-ci il dekabrın 24-dən etibarən Baş Prokurorluğun inzibati binasında keçiriləcək (ünvan: Bakı şəhəri, N.Rəfibəyli küçəsi,7). Həmin gündən başlayaraq müəyyən edilmiş qaydada müsahibəyə dəvət ediləcək namizədlər inzibati binaya buraxılmaq üçün şəxsiyyət vəsiqələrini təqdim etməlidirlər.
Əlavə məlumatı 437-28-56, 492-62-23 və 492-74-32 nömrəli telefonlarla almaq olar.