Azərbaycan, Bakı, 11 sentyabr /Trend, müxbir İ.İsabalayeva/
Azərbaycan Təhsil Nazirliyi ali məktəblərin tələbə qəbulu aparılan ixtisaslar üzrə kadr hazırlaya bilib-bilmədiyini araşdıracaq.
Təhsil Nazirliyindən Trend-ə verilən məlumata görə, ali məktəblərin ixtisasları bir daha nəzərdən keçiriləcək və müvafiq araşdırmalar aparılacaq. Bunun əsasında ali məktəbin öz ixtisasları üzrə kadr hazırlayıb-hazırlamayacağı barədə qərar veriləcək.
Bu zaman ali məktəbin maddi-texniki bazası, onun praktika təşkil etmək və digər imkanları öyrəniləcək.