Azərbaycan, Bakı, 17 oktyabr /Trend, müxbir İ.İsabalayeva/
Azərbaycan Milli Elmlər Akademiyasının (AMEA) Dilçilik İnstitutunun yeni strukturu təsdiqlənib.
Trend-in məlumatına görə, AMEA Rəyasət Heyətinin bu gün keçirilən iclasında Akademiyanın İctimai və Himanitar Elmlər Bölməsinin rəhbəri Kamal Abdulla bildirib ki, əvvəl olduğu kimi, institutun yenə də 10 şöbəsi olacaq. Yeni yaradılan şöbələr müasir tələblərə cavab verir.
Bununla yanaşı, Ədəbiyyat İnstitutunda Azərbaycan mühacirət ədəbiyyatı şöbəsi yaradılıb.
İnstitutun şöbələrinə Müasir Azərbaycan dili, Dil tarixi və dialektologiya, Sosial linqvistika və dil siyasəti, Qədim dillər və mədəniyyətlər, Sosio-dilçilik və dil siyasəti, Nəzəri dilçilik, Hind-Avropa dilləri, Monitorinq, Kompüter dilçiliyi, Türk dilləri şöbəsi daxildir.