Azərbaycan, Bakı, 3 noyabr /Trend, müxbir İlhamə İsabalayeva/
Yaponiyanın Siyasi Tədqiqatlar üzrə Milli İnstitutu (GRİPS - National Institute for Policy Studies) azərbaycanlı gənclər üçün magistratura və doktorantura proqramlarına qəbul elan edir.
Trend Təhsil Nazirliyinin saytına istinadən xəbər verır ki, qeyd olunan ali təhsil müəssisəsi tərəfindən 1 və yaxud 2 illik dövlət siyasəti, makroiqtisadi siyasət, dövlət maliyyəsi, iqtisadiyyat, planlaşdırma və dövlət siyasəti üzrə magistratura proqramları, 5 illik GRİPS Qlobal idarəetmə və Siyasi təhlil üzrə birləşdirilmiş magistratura-doktorantura proqramları və 3 illik doktorantura proqramları təklif edilir.
Ən yaxşı göstəricilərə malik namizədlərə təqaüd verilməsi nəzərdə tutulur.
Siyasi təhlil və doktorantura proqramlarını seçmək istəyən namizədlər noyabrın 14-dək müraciət edə bilərlər.