...

Avropa Oyunları vaxtı Bakı metrosunda iş rejimi dəyişdiriləcək

Cəmiyyət Materials 9 Aprel 2015 17:42 (UTC +04:00)
Bunu Trend-in sorğusuna cavab olaraq “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.
Avropa Oyunları vaxtı Bakı metrosunda iş rejimi dəyişdiriləcək

Azərbaycan, Bakı, 9 aprel /Trend, müxbir İlkin İzzət/

Bakıda keçiriləcək I Avropa Oyunları zamanı Bakı Metropolitenində iş rejimi dəyişdiriləcək.

Bunu Trend-in sorğusuna cavab olaraq "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

Şöbə rəisinin sözlərinə görə, hələlik dəyişiklik Oyunların açılış və bağlanış mərasimlərinin keçiriləcəyi günlərə aid edilir: "I Avropa Oyunları zamanı sərnişinlərin rahat hərəkətinin təmin edilməsi məqsədilə iyunun 12-dən 28-dək Bakı metrosunda iş vaxtı 01:00-a qədər artırılacaq. I Avropa Oyunlarının açılış və bağlanış günü isə metronun iş saatı gecə saat 02:00-a qədər uzadıla bilər. Əgər rəsmi qərar olarsa, bu vaxtın daha da uzadılması istisna edilmir".

Xatırladaq ki, hazırda metro səhər saat 06:00-dan gecə saat 00:00-a kimi işləyir.

Məqalədə:
Xəbər lenti

Xəbər lenti