...

Nəqliyyat Nazirliyi sürücülərə çağırış etdi (FOTO)

Cəmiyyət Materials 10 Sentyabr 2015 10:56 (UTC +04:00)
Nəqliyyat vasitələrinin rahat və maneəsiz şəkildə hərəkətini təmin etmək məqsədilə aparılan kompleks tədbirlər çərçivəsində Binəqəqdi rayonunda bir-neçə küçənin kəsişmələrinin təmirinə başlanılıb.
Nəqliyyat Nazirliyi sürücülərə çağırış etdi (FOTO)

Azərbaycan, Bakı, 10 sentyabr /Trend/

Nəqliyyat vasitələrinin rahat və maneəsiz şəkildə hərəkətini təmin etmək məqsədilə aparılan kompleks tədbirlər çərçivəsində Binəqədi rayonunda bir-neçə küçənin kəsişmələrinin təmirinə başlanılıb.

Nəqliyyat Nazirliyi "Azəryolservis" ASC-nin Mətbuat xidmətindən Trend-ə verilən məlumata görə, təmir olunan ərazi Atatürk prospektinin hər iki istiqamət üzrə Səttar Bəhlulzadə küçəsinin kəsişməsindən Əcəmi Naxçıvani küçəsinin kəsişməsinədək olan hissələridir.

Uzun müddət təmir olunmadığı üçün yolun hərəkət hissələri sıradan çıxmış Şövkət Məmmədova küçəsinin Əcəmi Naxçıvani küçəsinin kəsişməsindən Cəfər Xəndan küçəsinin kəsişməsinədək olan hissəsi və Əcəmi Naxçıvani küçəsinin Ağa Sadıq Gəraybəyli küçəsinin kəsişməsindən Atatürk prospektinin kəsişməsinədək olan hissəsindən keçir.

Nəqliyyat Nazirliyi "Azəryolservis" ASC tərəfindən sözügedən küçələrin ümumilikdə 970 metrlik hissələrində təmir-tikinti işləri aparılır. Təmir-tikinti işləri çərçivəsində köhnə asfalt-beton örtüyünün üst qatı qaşınaraq ərazidən daşınıb. Ehtiyac olan yerlərdə yol yatağı bərkidiləndən sonra əraziyə yeni asfalt-beton örtüyü döşənəcək. Ümumilikdə burada 12500 kvadrat metr ərazidə asfaltlanma işləri aparılacaq və 1500 paqon metr köhnə səki daşı yenisi ilə əvəzlənəcək. Artıq bu istiqamətdə də işlərə start verilib.

Nəqliyyat naziri və "Azəryolservis" ASC rəhbərliyinin nəzarəti altında aparılan təmir-tikinti işləri zamanı kommunikasiya xətlərinin dəmir-beton plitələri qaldırılaraq, baxış qapaqları yenilənəcək, zəruri olan yerlərsə səth sularının normal kənarlaşdırılması üçün nəzərdə tutulan yağış barmaqlıqları də dəyişdiriləcək. Bütün işlər yüksək keyfiyyətlə tərtib olunmuş qrafikə uyğun həyata keçirilir və tez bir zamanda yekunlaşdırılması planlaşdırılır.

Nəqliyyat Nazirliyi "Azəryolservis" ASC yaranmış müvəqqəti narahatçılığa görü üzr istəyir və sürücüləri görülən işlərə anlayışla yanaşmalarına çağırır.

Məqalədə:
Xəbər lenti

Xəbər lenti