Bakı. Trend:
"İmamzadə" dini kompleksində ilk cümə namazı qılınıb.
Trend Kəpəz TV-yə (Region TV) istinadən xəbər verir ki, əsaslı təmir və yenidənqurma işlərindən sonra istifadəyə verilən "İmamzadə" dini memarlıq kompleksində ilk cümə namazı qılınıb.
Əvvəlcə azan verilib, iki namaz arasında xütbə oxunub. Cümə xütbəsindən sonra məscidə toplaşanlar dua ediblər.
Xatırladaq ki, Azərbaycan Prezidenti İlham Əliyev fevralın 17-də Gəncədə "İmamzadə" dini kompleksində aparılan əsaslı təmir və yenidənqurma işlərindən sonra yaradılan şəraitlə tanış olub.