...

"Heydər Əliyev – Azərbaycan: dünən, bu gün və sabah" kitabının təqdimatı olub (FOTO)

Cəmiyyət Materials 6 May 2016 10:31 (UTC +04:00)
Ötən ilin dekabr ayında Səbail Rayon İcra Hakimiyyətində keçirilmiş "Heydər Əliyev – Azərbaycan: dünən, bu gün və sabah" mövzusunda dəyirmi masada çıxışlar əsasında hazırlanmış kitab iıq üzü görüb.
"Heydər Əliyev – Azərbaycan: dünən, bu gün və sabah"  kitabının təqdimatı olub (FOTO)

Trend-i buradan izləyin

Bakı. Trend:

Ötən ilin dekabr ayında Səbail Rayon İcra Hakimiyyətində keçirilmiş "Heydər Əliyev - Azərbaycan: dünən, bu gün və sabah" mövzusunda dəyirmi masada çıxışlar əsasında hazırlanmış kitab iıq üzü görüb.

Səbail Rayon İcra Hakimiyyətinin İctimai-siyasi və humanitar məsələlər şöbəsindən Trend-ə verilən məlumata görə, nəşr Səbail RİH və Yeni Azərbaycan Partiyası Səbail Rayon təşkilatının dəstəyilə nəşr olunub.

Azərbaycan Milli İncəsənət Muzeyində keçirilən təqdimat mərasimində rayon rəhbərliyi, dövlət qurumların nümayəndələri, Milli Məclis üzvləri, elm, təhsil, incəsənət və din xadimləri, ziyalıların, gənclərin, ağsaqqalların, veteranların və ictimaiyyətin, YAP Səbail rayon təşkilatının təmsilçiləri iştirak ediblər.

Ümumilli lider Heydər Əliyevin fəaliyyətinin müxtəlif dövlərini əhatə edən, Azərbaycanın son 30 il ərzində əldə etdiyi iqtisadi-siyasi inkişaf aspektlərindən, ölkəmizdə həyata keçirilən daxili və xarici siyasətdən, xalq təsərrüfatının bütün istiqamətlərində, Ordu quruculuğu, elm, təhsil, mədəniyyət və digər sahələr üzrə əldə olunan uğurlardan, Ulu öndərin siyasətin layiqli davamçısı ölkə başçısı cənab İlham Əliyevin bu gün həyata keçirdiyi işlərdən bəhs edən məqalələr və xeyli sayda foto şəkillər toplanmış kitabın təqdimat mərasimdə çıxış edən Səbail Rayon İcra Hakimiyyətinin başçısı Eldar Əzizov qeyd etmişdir ki, Ulu öndər Heydər Əliyev və möhtərəm Prezidentimiz İlham Əliyevin müasir Azərbaycan tarixindəki rolu öz əhəmiyyəti ilə heç nə ilə müqayisə oluna bilməz. Ona görə bu iki dahi insanın siyasətini öyrənib təbliğ etmək vacib məsələdir. Buna görə də bu kitabın təqdimatı çox önəmlidir və böyük əhəmiyyət kəsb edir.

Milli Məclisin sədr müavini Bahar Muradova, Milli Məclisin Əmək və Sosial Siyasət Komitəsinin sədri Hadı Rəcəbli, Milli Məclisin deputatı, "Azərbaycan" qəzetinin baş redaktoru Bəxtiyar Sadıxov, Azərbaycan Dövlət İqtisad Universitetinin rektoru, professor Ədalət Muradov, YAP Səbail Rayon təşkilatının sədri, Milli Məclisin deputatı Şəmsəddin Hacıyev çıxış edərək Ulu öndər Heydər Əliyevin həyat və fəaliyyətinin ayrı-ayrı sahələrinə, onun ölkəmizin müstəqilliyi, iqtisadi tərəqqisi və inkişafı istiqamətində gördüyü işlərə, Heydər Əliyevin əsasını qoyduğu və möhtərəm Prezidentimiz İlham Əliyev tərəfindən inkişaf etdirilən siyasətin uğurlarına və gələcək perspektivlərinə həsr olunmuş məqalələrin toplandığı kitabın əhəmiyyəti, onun gələcək nəslin tərbiyəsi və maarifləndirilməsi istiqamətindəki rolundan danışıblar.

Çıxışlarda bu kitabın ilk olduğu və gələcəkdə də bu seriyadan olan digər kitabların çap olunacağı qeyd olunub.

Məqalədə:
Xəbər lenti

Xəbər lenti