Bakı. Samir Əli - Trend:
"Bakı Metropoliteni" Qapalı Səhmdar Cəmiyyəti 1 İyun - Uşaqların beynəlxalq müdafisəi günü münasibətilə daha bir yeniliyə imza atıb.
"Bakı Metropoliteni" QSC-nin mətbuat xidmətinin rəhbəri Nəsimi Paşayevin Trend-ə verdiyi məlumata görə, təmsil etdiyi qurum bu münasibətlə metropoliten əməkdaşlarının uşaqlarının bir qrupunun yaradıcılıq işlərinin sərgisini təşkil edib: "Rəsm çəkmək bacarığı olan uşaqların əsərləri metronun 6 stansiyasında məhz onların bayramı günü nümayiş olunur. "Sahil", "Memar Əcəmi", "Elmlər Akademiyası", "Gənclik", "Nəriman Nərimanov" və "Qara Qarayev" stansiyalarında 9 rəsm əsəri ilə tanış ola bilərsiniz".