...

“Siyəzən broyler” ASC “Biz birlikdə güclüyük” layihəsinə dəstək oldu (FOTO)

Cəmiyyət Materials 7 May 2020 15:38 (UTC +04:00)
“Siyəzən broyler” ASC “Biz birlikdə güclüyük” layihəsinə dəstək oldu (FOTO)

Trend-i buradan izləyin

Bakı. Trend:

Koronavirus (COVID-19) pandemiyası ilə əlaqədar xüsusi karantin rejiminin tətbiq olunduğu dövrdə Heydər Əliyev Fondu və ”Regional İnkişaf” İctimai Birliyi tərəfindən ölkə üzrə həyata keçirilən “Biz birlikdə güclüyük” layihəsinə cənubi Qafqazın ən böyük quşçuluq müəssisələrindən biri olan “Siyəzən broyler” ASC də dəstək verib.

Aksiya çərçivəsində şirkət Ramazan ayı ərzində Siyəzən rayonunda yaşayan 8 mindən çox ailəyə istehsal etdiyi məhsullardan ibarət sovqatlar çatdıracaq. Yardım aksiyasının davamı olaraq “Siyəzən broyler” ASC tərəfindən həmçinin, Bakı şəhərində daha 12 min ailəyə ümumi çəkisi 50 tondan çox ərzaq məhsulunun çatdırılması planlaşdırılıb.

Azərbaycan Prezidenti İlham Əliyevin təşəbbüsü ilə yaradılan Koronavirusla Mübarizyə Dəstək Fonduna ölkəmizdə birincilər sırasında 197 min manat vəsait köçürən, Bakıda imkansız ailələrə müntəzəm ərzaq yardımı edən “Siyəzən broyler” ASC, həmrəylik nümayiş etdirərək bundan sonra da ölkə rəhbərliyinin bütün çağırışlarına qoşulacaq və bu çətin günlərdə aztəminatlı və digər həssas kateqoriyadan olan ailələrə dəstək olmaq üçün səylərini əsirgəməyəcək.

Məqalədə:
Xəbər lenti

Xəbər lenti