Bakı. Trend
Bakıda keçirilən Beynəlxalq STEAM Azərbaycan Festivalında iştirak edən şagirdlərin 40 faizi bölgələri təmsil edir.
Trend xəbər verir ki, bunu elm və təhsil naziri Emin Əmrullayev "Beynəlxalq STEAM Azərbaycan Festivalı 2022"nin açılış mərasimində deyib.
Nazir bildirib ki, ildən-ilə STEAM-in əhatə dairəsi genişlənir.
"STEAM-in tədrisində əsas məqsəd gələcək nəsli yeni çağırışlara hazırlamaqdır. Sevindirici haldır ki, bugünkü festivalda iştirak edən şagirdlərin 40 faizi Azərbaycanın bölgələrini təmsil edir".
