Bakı. Trend:
Bakı Slavyan Universiteti (BSU) abituriyentlər üçün maraqlı layihəyə başlayır. “Sən də bir günlük tələbə ol” adlı layihənin məqsədi 10-11-ci sinif şagirdlərini universitetlə daha yaxından tanış etmək, mövcud ixtisaslar və təqaüd imkanları barədə ətraflı məlumat vermək, ixtisas seçimində şagirdlərə dəstək olmaqdır.
İştirakçılar, həmçinin, BSU-nun professor-müəllim heyəti ilə tanış olmaq və seçdikləri ixtisas üzrə tədris olunan dərslərdə iştirak etmək imkanı əldə edəcəklər.
Qeyd edək ki, BSU-da III və IV ixtisas qrupları üzrə ( Azərbaycan və Rus dillərində) tədris aparılır.
Layihədə iştirak etmək üçün qeyd olunan linkə daxil olaraq qeydiyyatdan keçə bilərlər.
Qeydiyyat üçün link: http://shorturl.at/cFGM4