...

UNEC tələbələri АССА imtahanlarında ölkə birincisi oldular (FOTO)

Cəmiyyət Materials 2 Fevral 2023 17:35 (UTC +04:00)
UNEC tələbələri АССА imtahanlarında ölkə birincisi oldular (FOTO)

Bakı. Trend:

UNEC tələbələri АССА (İxtisaslaşmış Sertifikatlaşdırılmış Mühasiblər Assosiasiyası) imtahanında müxtəlif kateqoriyalar üzrə ölkə birincisi olublar.

Beynəlxalq İqtisadiyyat Məktəbinin (ISE) maliyyə ixtisası üzrə 4-cü kurs tələbəsi Fərid Əliyev ACCA imtahanında “Taxation”(vergitutma) üzrə Azərbaycanda ən yüksək nəticəni əldə etməklə, “Placewinner” mükafatına layiq görülüb. F.Əliyev ümumilikdə “ACCA Member” statusu üçün tələb olunan 13 sertifikatdan 7-nə malikdir.

Hazırda dünyanın ən nəhəng “Böyük Dördlük” şirkətlərindən olan “Ernst&Young”da audit üzrə mütəxəssis vəzifəsində çalışır.

Beynəlxalq İqtisadiyyat Mətkəbinin (ISE) maliyyə ixtisası üzrə 4-cü kurs tələbəsi Anar Abbasov isə ACCA imtahanında “Strategic Business Reporting” (Strateji Biznes Hesabatı) üzrə 5-ci dəfə ölkə birincisi və dünya dördüncüsü olub. Anar Abbasov hazırda Böyük Dördlüyün konsaltinq şirkətlərindən olan “Deloitte”də maliyyə məsləhətçisi vəzifəsində çalışır.

Tələbələrimizi təbrik edirik, onlara yeni-yeni uğurlar arzulayırıq!

Məqalədə:
Xəbər lenti

Xəbər lenti