...

Parlament dərman qeydiyyatı ilə bağlı qanuna dəyişikliyi birinci oxunuşda təsdiqləyib

Cəmiyyət Materials 11 Aprel 2023 12:22 (UTC +04:00)
Elçin Mehdiyev
Elçin Mehdiyev
Bütün xəbərlər

Bakı. Trend:

"Dərman vasitələri haqqında" qanuna dəyişiklik Milli Məclisin bu gün keçirilən plenar iclasında müzakirə edilib.

Trend-in məlumatına görə, "Dərman vasitələri haqqında" qanuna dəyişikliklə Azərbaycanda dərman vasitələrinin dövlət qeydiyyatına alınması ilə bağlı yeni qaydalar müəyyən edilir.
Dəyişikliyə əsasən, qanunun 6.6-cı maddəsi yeni redaksiyada verilir. Yeni redaksiyada qeyd edilir ki, müxtəlif dərman vasitələrinin eyni əmtəə nişanı adı altında (eyni istehsalçının (və ya həmin istehsalçının lisenziyası əsasında istehsal olunmuş) eyni əmtəə nişanı adı altında, lakin təsiredici maddənin dozası, farmasevtik forması, ticarət qablaşdırması və ya qablaşdırma miqdarı fərqli olan dərman vasitələri istisna olmaqla) dövlət qeydiyyatına alınmasına yol verilmir.

Hazırda isə eyni maddədə “müxtəlif dərman vasitələrinin eyni ticarət adı altında dövlət qeydiyyatına alınmasına yol verilmir” kimi qeyd edilir.

Müzakirələrdən sonra dəyişiklik səsverməyə qoyularaq birinci oxunuşda qəbul edilib.

Məqalədə:
Xəbər lenti

Xəbər lenti