Bakı. Trend:
Bakının Sabunçu rayonunda 13 yaşlı qız 37 yaşlı kişi ilə nişanlanmasıyla bağlı xəbərlər yayılıb.
Hadisə ilə bağlı Trend-ə açıqlama verən Daxili İşlər Nazirliyinin (DİN) Mətbuat xidmətinin əməkdaşı Nurlan Əliyev bildirib ki, məsələ ilə bağlı araşdırma aparılır.
"Araşdırmanın nəticəsindən aslı olaraq təfərrüattlar məlum olacaq", - deyə o qeyd edib.
Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu isə Trend-ə bildirib ki, hadisə barədə məlumatlıdırlar.
"Baş verən hadisə araşdırılır. Məsələ müvafiq qurumlarla birgə nəzarətdə saxlanılır", - deyə o qeyd edib.