Bakı. Trend:
İranın Bakıdakı klinikası bağlanıb.
Klinikaya müraciət edən əməkdaşlarımız klinikanın bağlı olduğunu müşahidə ediblər. Sakinlərin sözlərinə görə, sözügedən İran klinikası mart ayından fəaliyyətini dayandırıb.
Trend-in əməkdaşları yaxınlıqda fəaliyyət göstərən obyekt sahiblərindən də klinikanın bağlanıb-bağlanmadığını dəqiqləşdirib. Hər kəs eyni sözü deyib: Klinika bağlanıb!
Klinikanın görüntülərindən də aydın görünür ki, adı (İran klinikası) tamamilə divardan sökülüb.
Qeyd edək ki, klinikanın iş nömrələri ilə əlaqə saxlamağa çalışsaq da cəhdlərimiz nəticəsiz qalıb.
