Bakı. Trend:
Yanvarın 28-də sahibkar İlon Maskın neyrotexnologiya şirkəti "Neuralink" ilk dəfə olaraq insan beyninə implant yerləşdirib.
Trend-in məlumatına görə, nu barədə İ.Mask öz "X" səhifəsində yazıb.
"İlk insan dünən "Neuralink" implantı alıb, [əməliyyatdan sonra] bərpa prosesi yaxşı keçir", - deyə o yazıb.
Qeyd olunub ki, ilk məlumatlara görə, cihazın işləmə göstəriciləri perspektivli görünür.
Sahibkar əlavə edib ki, "Neuralink"in ilk məhsulu "Telepathy" adlanır. O, insana düşüncə gücü ilə telefonu və kompüteri idarə etməyə imkan verəcək.