Bakı. Trend:
Astarada Pensərçay məcrasını dəyişib, çaykənarı evlər üçün təhlükə yaranıb.
Trend xəbər verir ki, cənub bölgəsində ötən gündən başlayan qeyri-sabit hava şəraiti bir sıra fəsadlar törədib.
Astara rayonunun Siyəkü kəndi ərazisində Pensərçay 40 metrə qədər məcrasını dəyişib. Dünən gecə Pensərçayda suyun səviyyəsi 5 metrə kimi qalxıb və su həyətlərə dolub, çaykənarı evlər üçün təhlükəli vəziyyət yaranıb.
Sel suları vətəndaşların həyətində sitrus və meyvə ağaclarını da yuyub aparıb.