Bakı. Trend:
Azad edilən ərazilərdə bugünədək 8 min vətəndaş işlə təmin edilib.
Trend xəbər verir ki, bunu Dövlət Məşğulluq Agentliyinin İdarə Heyətinin sədri Hasil Abbasov bu gün keçirilən mətbuat konfransında deyib.
Hasil Abbasovun sözlərinə görə, təkcə 2025-ci ildə 2 847 vətəndaş işlə təmin edilib:
"154 nəfər özünəməşğulluq proqramına cəlb edilib. Onların ümumi
sayı 705-ə çatdırılıb.
Həmin şəxslərin 58 faizi dövlət, 42 faizi özəl sektorda
çalışır".
Sədr əlavə edib ki, azad edilən ərazilərdə peşə hazırlığı tədbirlərinə cəlb edilən vətəndaşların sayı 360-ya çatır.