...

Alternativ və bərpa olunan enerji mənbələrindən istifadə olunması üzrə dövlət proqramı çərçivəsində işlər aparılır

Cəmiyyət Materials 14 Oktyabr 2005 13:04 (UTC +04:00)

Azərbaycan Respublikası prezidentinin 21 oktyabr 2004-cü il tarixli sərəncamı ilə təsdiq edilmiş alternativ və bərpa olunan enerji mənbələrindən istifadə olunması üzrə dövlət proqramı çərçivəsində işlər həyata keçirilir. Azərbaycanın Ekologiya və Təbii Sərvətlər Nazirliyindən Trend ə verilən məlumata görə, ekoloji cəhətdən təmiz alternativ enerji mənbələrindən istifadə edilməsi istilik elektrik stansiyalarında yandırılan böyük miqdarda yanacağa qənaət etməyə imkan verəcək ki, bu da ətraf mühitə atılan zərərli tullantıların miqdarını azaldacaq.

Ekologiya nazirliyində, həmçinin, o da bildirilib ki, Azərbaycanda alternativ enerji mənbələrinin olduqca böyük potensialı olsada, onlardan istifadə çox aşağı səviyyədədir. "Bu məqsədlə nazirlik bir sıra pilot layihələri həyata keçirir (külək, günəş, bioqaz)", - deyə nazirlikdə qeyd ediblər.

Bu istiqamətdə növbəti addım kimi ölkəyə Türkiyə istehsalı olan, alternativ enerji mənbəyi olan günəş enerjisi tətbiq etməklə bioqaz istehsal edən KİSKATECH-ECOGAS-15 qurğuları gətirilib. Onların 5 ədədi nazirliyin maliyyə vəsaiti hesabına alınıb, təmənnasız olaraq 2 ədədi İsmayıllı rayonunun Talıstan və II Yeni Yol kəndlərində quraşdırılıb.

Oktyabrın 14-də bioqaz qurğularının 1 ədədi Lerik rayonunun Piran, 1 ədədi isə Astara rayonunun Siyaku kəndlərində istismara verilib. Daha 1 ədəd qurğu isə Quba rayonunun Uluq kəndində quraşdırılıb.

Qurğu gündə 2m2 qaz istehsal edir, əmələ gələn keyfiyyətli gübrənin miqdarı isə gündə 150 l təşkil edir.

Xəbər lenti

Xəbər lenti