Azərbaycanın insan haqları üzrə müvəkkili (ombudsman) Elmira Süleymanova iyulun 10-dan 13-ə qədər Fransanın Nant şəhərində keçirilən insan haqları üzrə Ümumdünya Forumunda iştirak etmək məqsədi ilə Fransaya yola düşüb. Bu barədə Trend ə Azərbaycanın ombudsman aparatından xəbər veriblər.
Forumda insan haqlarının müdafiəsi sahəsində fəaliyyət göstərən beynəlxalq və dövlət strukturlarının nümayəndələri iştirak edir. Forumun məqsədi insan haqlarının müdafiəsi üzrə beynəlxalq həmrəylik şəbəkəsinin yaradılmasıdır. 3 gün ərzində forum iştirakçıları "Bərabərsizlik və müxtəliflik", "İqtisadi qloballaşma və insan haqları", "Qayğıdan məhrum olunmuş uşaqlar", "Yoxsulluqla mübarizə və insan haqları" və s. kimi mövzuları müzakirə edəcəklər.