Cüdo üzrə Avropa Birliyi (EJU) növbəti mövsümdə dünya kubokunun Bakıda keçiriləcəyi tarixi müəyyənləşdirib.
Azərbaycan yığmasının baş məşqçisi Ağayar Axundzadənin Trend ə verdiyi xəbərə görə, gələn ildən lisenziya xarakteri daşıyacaq yarış gələn ilin oktyabr ayında Bakıda keçiriləcək. "Əvvəllər Bakıda cüdo üzrə ixtisaslaşdırılmış yarışlar təşkil olunmurdu, ona görə də gözlənilən yarış bizim üçün xüsusi gizli məna daşıyacaq. Dünya kubokunun başlanmasına çox vaxt qaldığına baxmayaraq, yarışa indidən hazırlaşmaq lazımdır", - deyə məşqçi qeyd edib.
Qeyd etmək lazımdır ki, Bakıdan başqa, yaxın iki il ərzində Olimpiya oyunlarının seçim turnirlərini Gürcüstan, Moskva, Paris, Minsk və bir çox digər şəhərlər də qəbul edəcək.
