Azərbaycan, Astara / Trend müxbir A. Həsənov/ Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə bu gün Biləsuvar rayonunda zona müşavirəsi keçirib. Müşavirədə Dini Qurumlarla İş üzrə Dövlət Komitəsinin sədri Hidayət Orucov , din xadimləri, rayon ağsaqqaları, Biləsuvar rayon İcra Hakimiyyəinin başçısı Adıl Məmmədov iştirak edib. 200-dən çox adamın iştirak etdiyi müşavirədə milli-mənəvi dəyərlərdən və dövlət-din münasibətindən danışılıb. H.Orucov bildirib ki, Cənub bölgəsində dinə olan münasibət təqdirəlayiq qiymətləndirilməlidir.
...
