Azərbaycan, Bakı, 25 aprel /Trend/
Bu gün UEFA Çempionlar Liqasının yarımfinal mərhələsinin cavab oyunları çərçivəsində bir oyun baş tutub.
Trend-in məlumatına görə, İspaniyanın "Barselona" klubu İngiltərənin "Çelsi" komandasını qəbul edib.
Xatırladaq ki, Londanda keçirilən ilk oyunda Didye Droqbanın qolu ilə meydan sahibləri kataloniyalıları 1:0 hesabı ilə məğlub etmişdilər.
Qarşılaşmanın 38-ci dəqiqəsində "Barselona" hesabı açıb. Qolu Serxio Buskets vurub. 43-cü dəqiqəsində İnyesta hesabı artırıb. Amma katolanların sevinci cəmi 3 dəqiqə çəkib. Ramires 45 dəqiqədə fərqlənib. İkinci hissənin axırıncı dəqiqələrdə Torresin qolu yekun hesabı müəyyənləşdirib - 2:2.
Final mayın 19-da Münhendə baş tutacaq.