Azərbaycan, Bakı, 20 iyul /Trend/
Bu gün Çempionlar Liqasının III təsnifat mərhələsinin püşkatma mərasimi keçirilib. Trend-in məlumatına görə, püşkatma zamanı təmsilçimiz "Neftçi"nin də rəqibinin kimliyinə aydınlıq gəlib.
Son Azərbaycan çempionu "Zestafoni" səddini keçəcəyi təqdirdə "Jilina" (Slovakiya) - "İrona Kiryat" (İsrail) cütünün qalibi ilə qarşılaşacaq.
Son Azərbaycan çempionu buna qədər Gürcüstanın "Zestafoni" klubunu mübarizədən kənarlaşdırmalıdır. Bakıda keçirilən ilk görüşdə rəqibini 3:0 hesabı ilə məğlub edən "Neftçi" növbəti mərhələnin bir addımlığındadır. Bu komandalar arasında cavab görüşü iyulun 24-də Gürcüstanda keçiriləcək.
Qeyd edək ki, III təsnifat mərhələsinin oyunları 31 iyul - 1 avqust və 7-8 avqust tarixlərində keçiriləcək.