Azərbaycan, Bakı, 21 avqust /Trend/
Azərbaycan yığması bu gün yoldaşlıq oyunu keçirəcək.
Trend Azərbaycan Futbol Federasiyaları Assosiasiyasının (AFFA) rəsmi saytına istinadən xəbər verir ki, Moldovada təşkil olunmuş təlim-məşq toplanışı çərçivəsində 19 yaşadək futbolçulardan ibarət Azərbaycan yığması bu gün yoldaşlıq oyunu keçirəcək.
Yığmamız Moldovanın müvafiq yaş qrupundan ibarət komandası ilə qarşılaşacaq. Oyun Bakı vaxtı ilə saat 19:00-da başlayacaq.