Azərbaycan, Bakı, 19 iyul /Trend, müxbir E.Tanriverdiyev/
Bu gün İsveçrənin Nyon şəhərində UEFA Avropa Liqasının III təsnifat mərhələsinin püşkatma mərasimi baş tutub.
Trend-in məlumatına görə, Bakı vaxtı ilə saat 16:00-da başlayan tədbirdə yarışdakı klublarımızın - "Qarabağ", "İnter" və "Xəzər Lənkəran"ın rəqibləri müəyyənləşib.
"Xəzər Lənkəran" - "Makkabi" oyunun qalibi "Ventspils" (Latviya) - "Jeness" (Lüksemburq) cütlüyünün qalibi ilə düşəcək.
"İnter" - "Tromse" oyunun qalibi "Differdanj" (Lüksemburq) - "Utrext" (Hollandiya) cütlüyünün qalibi ilə qarşılaşacaq.
"Qarabağ" - "Piast" oyunun qalibi isə "Anortosis" (Kipr) - "Gefle" (İsveç) oyununun qalibləri ilə görüşəcək.