Azərbaycan, Bakı, 9 dekabr /Trend, müxbir T.Cəfərov/
Dünya futbolunun əfsanələrindən sayılan Dieqo Maradona İrana səfər edəcək. Bunu İran Futbol Federasiyasının sədri Əli Kəffaşian deyib. Trend-in məlumatına görə, bu barədə Afkarnews xəbər saytı məlumat verir.
Kəffaşian bildirib ki, Maradona futbol üzrə 2014-cü il dünya çempionatında İran milli komandasının formasının təqdimat mərasimində iştirak edəcək. mərasimin yanvarın əvvəllərində Tehranda keçiriləcəyi gözlənilir.
Kəffaşianın sözlərinə görə, rəsmi dəvətnamə artıq Maradonanın ofisinə göndərilib.
İran 2014-cü ildə Braziliyada keçiriləcək dünya çempionatında Argentina, Nigeriya və Bosniya və Herseqovina ilə bir qrupdadır.
...