Azərbaycan, Bakı, 23 yanvar /Trend/
Dünya Boks Şurasının (World Boxing Council, WBC) vəfat edən prezidenti Xose Süleymanın oğlu Maurisio Süleyman müvəqqəti olaraq təşkilatın rəhbəri vəzifəsinə təyin edilib.
Trend-in İTAR-TASS-a istinadən verdiyi məlumata əsasən, o, yaxın 90 gün ərzində prezident vəzifəsini icra edəcək.
Məlumata görə, fevralın 2-7-də Şanxayda WBC-nin Direktorlar Şurasının iclası keçiriləcək. İclas zamanı təşkilatın yeni rəhbərinin namizədliyi müzakirə ediləcək. Əsas namizəd M.Süleyman olsa da, onun bu postu tutmaq istəyi yoxdur.