Azərbaycan, Bakı, 12 fevral /Trend
Dünya Boks Şurasının icraçı katibi Maurisio Süleyman bu qurumun prezidenti seçilib. Trend-in məlumatına görə, bu barədə "İnterfaks" təşkilatın rəsmi saytına istinadən xəbər yayıb.
Şuranın yeni rəhbərinin seçkisi Meksikada keçirilib. Seçki Komissiyasının (26 nəfər) qərarı yekdil olub.
Əvvəllər bu vəzifəni 39 il ərzində yanvarın 17-də 82 yaşında vəfat etmiş Xose Süleyman tutmuşdu. Ölümündən sonra onun oğlu Maurisio Süleyman müvəqqəti olaraq DBŞ sədrinin səlahiyyətlərini icra edirdi.