Azərbaycan, Bakı, 10 aprel /Trend/
FIFA milli komandaların növbəti reytinq cədvəlini açıqlayıb.
Trend AFFA-nın saytına istinadən xəbər verir ki, ötən ayla müqayisədə 6 pillə irəliləyən Azərbaycan milli komandası 398 xalla 85-ci pillədə qərarlaşıb. Bu, millimizin tarixi ərzində FIFA-nın reytinq cədvəlindəki ən yaxşı göstəricisidir.
Növbəti reytinq cədvəli mayın 8-də açıqlanacaq.