Azərbaycan, Bakı, 19 fevral /Trend, müxbir Məftun Salmanov/
2022-ci ildə Qətərdə keçiriləcək futbol üzrə dünya çempionatı noyabr və dekabr aylarında təşkil olunacaq. Bu barədə Trend "Sport İllustrated"-ə istinadən məlumat verir.
Gələn həftə Qətərin paytaxtı Dohada FIFA-nın işçi qrupu toplaşacaq. İşçi qrup mundialın keçirilmə tarixi ilə bağlı tövsiyələrini verəcək.
Turnirin bu ölkədə payız mövsümündə keçirilməsi Qətərdə iyun ayında havanın temperaturunun 40 dərəcə istini keçməsi ilə əlaqədardır.