Bakı. Trend:
"Red Bull" komandasının avstraliyalı pilotu Daniel Rikkyardo Formula 1 üzrə Monako Qran Prisinin qalibi olub.
Trend-in məlumatına görə, Qran Prini ikinci pillədə "Ferrari" komandasının almaniyalı pilotu Sebastyan Fettel, üçüncü pillədə isə "Mersedes" komandasının britaniyalı pilotu Lyuis Hemilton başa vutublar.
28 yaşlı D.Rikkyardo karyerasında 6-cı, bu mövsüm isə 2-ci qələbəsinin qazanıb. O, Monako Qran Prisində ilk dəfə qalib gəlib.
Mövsümün 6 yarışından sonra liderlik britaniyalı Lyuis Hemiltondadır (110 xal), ikinci pillədə Sebastyan Fettel (96 xal), üçüncü yerdə isə Daniel Rikkyardo (72 xal) qərarlaşıblar.
Formula 1-in növbəti mərhələsi Kanadada 8-10 iyun keçiriləcək.