...

“Neftçi” futbol klubu daha bir transfer reallaşdırıb

İdman Materials 17 İyul 2021 07:53 (UTC +04:00)
“Neftçi” futbol klubu daha bir transfer reallaşdırıb

Bakı. Trend:

Bakının "Neftçi” futbol klubu mərkəz müdafiəçisi transferini rəsmiləşdirib.

Trend klubun saytına istinadla xəbər verir ki, portuqaliyalı Huqo Basto ilə 2 il müddətinə müqavilə bağlanıb. 28 yaşlı futbolçu komanda heyətində 4 nömrəli formanı geyinəcək.

Huqo Basto Portuqaliyanın “Varzim” (2012-2013), “Sportinq Braqa B” (2013-2015), “Aroka” (2015-2018), “Çaves” (2018-2020) və “Eştoril” (2020-2021) klublarında çıxış edib. Son mövsüm 31 oyunda 4 qol vurduğu “Eştoril”lə Portuqaliya çempionatının 2-ci liqasının çempionu olub. O, Portuqaliyanın U-18 və U-23 milli komandalarının şərəfini qoruyub.

Qeyd edək ki, “Neftçi” bundan əvvəl yarımmüdafiəçilər – Sezar Meza Kolli, Harramiz Suares, Xəyal Nəcəfov və müdafiəçi Romen Baskı transfer edib.

Məqalədə:
Xəbər lenti

Xəbər lenti