Bakı. Trend:
İspaniyanın “Real Madrid” futbol klubu Çempionlar Liqasının yarımfinal mərhələsinin cavab oyununda İngiltərənin “Mançester Siti” komandasına qalib gələrək turnirin finalına yüksəlib.
Trend-in məlumatına görə, görüş Madriddəki "Santyaqo Bernabeu" stadionunda keçirilib. Oyun 3:1 hesabı ilə başa çatıb.
“Mançester Siti”nin heyətində Riyad Mahrez fərqlənib (73-cü dəqiqə). Rodriqo (90, 90+2), Kərim Benzema (95) "Real Madrid"in heyətində qol vurublar. Komandalar arasında ilk oyun 4:3 hesabı ilə “Mançester Siti”nin xeyrinə başa çatıb.
Finalda "Real Madrid" "Liverpul"la qarşılaşacaq.