Konya. Trend:
Qılıncoynatma üzrə Azərbaycan yığması V İslam Həmrəyliyi Oyunlarının qızıl medalını qazanıb.
Trend xəbər verir ki, Ruslan Həsənov, Kənan Əliyev və Barat Quliyevdən ibarət komanda İran yığmasına 45:35 hesabı ilə qalib gəlib.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışlar avqustun 18-dək davam edəcək.
Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.