Bakı. Trend:
Portuqaliyalı futbolçu, "Mançester Yunayted" klubunun hücumçusu Kriştiano Ronaldo "Instagram" sosial şəbəkəsində izləyicilərinin sayı 500 milyona çatan ilk şəxs olub.
Trend bu barədə bu gün Qərb KİV-lərinə istinadən məlumat verir.
Qeyd olunur ki, 37 yaşlı Ronaldonun izləyicilərinin sayı təkcə 2022-ci ildə 100 milyon nəfər artıb.
Portuqaliya hazırda Qətərdə davam edən dünya çempionatında iştirak edir. Komanda ilk oyununu noyabrın 24-də Qanaya qarşı keçirəcək.