...

Cüdo Akademiyasının fəaliyyətə başlayacağı tarix açıqlanıb

İdman Materials 21 Fevral 2024 17:00 (UTC +04:00)
Cüdo Akademiyasının fəaliyyətə başlayacağı tarix açıqlanıb

Bakı. Trend:

Azərbaycan millisinin sabiq cüdoçu Rüstəm Orucovun akademiyasının fəaliyyətə başlayacağı tarix dəqiqləşib.

Trend xəbər verir ki, bu barədə "İdman Bizdə" verilişinin qonağı Olimpiya mükafatçısı özü məlumat verib.

O bildirib ki, artıq zalda son tamamlama işləri gedir və martın 1-də fəaliyyətə başlayacaq: “Təmirin yekunlaşmasına çox az bir vaxt qalıb. Tələbat çoxdur. Yazanların sayı hədsizdir. Valideynlər, uşaqlar və həvəskarlar müraciət edirlər. Akademiyada 3 qrupumuz olacaq. İkisində peşəkar cüdoçular, birində isə həvəskarlar yer alacaq. Məşqlərə də şəxsən özüm nəzarət etməyə çalışacağam”.

Qeyd edək ki, Orucov peşəkar karyerasını 2023-cü ildə yekunlaşdırıb.

Məqalədə:
Xəbər lenti

Xəbər lenti