Bakı. Trend:
Azərbaycanın bədii gimnastika üzrə qrup hərəkətləri komandası Fransada uğurlu çıxış edib.
Trend xəbər verir ki, Fransanın Tiye şəhərində keçirilən bədii gimnastika üzrə 35-ci Beynəlxalq Qran-pri yarışında qrup hərəkətləri üzrə milli komandamızın üzvləri Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətova 5 halqa ilə hərəkətlərin icrasında qızıl medal qazanıb.
Qeyd edək ki, martın 30-dan 31-dək Fransanın Tiye şəhərində bədii gimnastika üzrə Beynəlxalq Qran-pri keçirilir.