Bakı. Trend:
Xorvatiyanın Zadar şəhərində karate üzrə Avropa çempionatı davam edir.
Trend İdman.biz-ə istinadən xəbər verir ki, Azərbaycan millisi yarışda ilk medalını rəsmiləşdirib.
Yığmamızın heyətində Hüseyn Məmmədli (67 kq) fəxri kürsünün 3-cü pilləsinə yüksəlib.
Qeyd edək ki, yığmamızın 4 parakarateçi Avropa çempionatının finalına vəsiqə qazanıb. Emiliya Mitlinova, Vidadi Xalıqov, Eldar Əhmədov və Nihat Məmmədzadə qitə birinciliyində qızıl medallar uğrunda mübarizə aparacaqlar. Ariana Mitlinova isə 3-cu yer uğrunda görüşə çıxacaq.