Bakı. Trend:
“Zirə”nin Avropa Liqasının I təsnifat mərhələsindəki rəqibi “Şerif” Moldova millisinin futbolçusu Vadim Paireli heyətinə qatıb.
Trend İdman.biz-ə istinadən xəbər verir ki, o, ölkəsinin digər klubu “Milsami”dən transfer olunub.
Tiraspol təmsilçisinin yetirməsi olan Pairel Moldova millisinin bütün yaş qruplarının formasını geyinib. O, əsas yığmada 5 oyuna çıxıb.
Qeyd edək ki, “Zirə”nin “Şerif”lə ilk matçı iyulun 11-də Moldovada, cavab qarşılaşması ayın 18-də Bakıda baş tutacaq.