Bakı. Trend:
"Çelsi" mərkəz hücumçusu Nikolas Ceksonla yeni müqavilə imzalayıb.
Trend İdman.biz-ə istinadən xəbər verir ki, müqavilə 2033-cü ilə qədər qüvvədə olacaq.
Cekson 2023-cü ilin yayında 37 milyon avroya "Vilyarreal"dan "Çelsi"yə keçib. Ötən mövsüm 23 yaşlı seneqallı London klubunun heyətində 44 oyunda 17 qol vurub və 6 məhsuldar ötürmə edib.
Qeyd edək ki, “Çelsi” 3 turdan sonra 4 xalla turnir cədvəlində 11-cidir.