Bakı. Trend:
Braziliyalı ulduz futbolçu Neymar, "Santos" futbol klubu ilə müqavilə imzaladığını İnstaqram səhifəsində paylaşdığı video ilə açıqlayıb.
Trend xəbər verir ki, futbolçu, yayımladığı videoda "Santos"la müqavilə imzaladım" deyərək yeni transferini açıqlayıb.
Bundan əvvəl Neymarın 2023-cü ilin avqustundan Səudiyyə Ərəbistanının "Əl-Hilal" klubunda oynadığı, amma klubun braziliyalı ilə müqaviləni ləğv etdiyi məlum olub.
Qeyd edək ki, 2017-ci ildə Neymar **"Barselona"**dan PSG-yə 222 milyon avro qarşılığında keçərək dünya futbol tarixində rekord transfer məbləğinə imza atmışdı. PSG-də keçirdiyi müddətdə 5 dəfə Fransa çempionu, 4 dəfə Fransa Superkuboku qalibi, 3 dəfə Fransa Kuboku və 2 dəfə Liqa Kuboku qazandı.