Bakı. Trend:
“Barselona” və ya “Liverpul” 2025-ci il klublararası dünya çempionatında Meksikanın “Leon” komandasını əvəz edə bilər.
Trend xəbər verir ki, bu barədə “Sport.es” məlumat yayıb.
Mənbənin məlumatına görə, FIFA “Leon”un əvəzinə hansı komandanın qatılacağını hələ müəyyənləşdirməsə də, Meksika komandasının yerini Avropanın sözügedən top-klublarından birinin tutacağı ehtimal olunur.
Qeyd edək ki, FIFA “Leon”u klublararası dünya çempionatından xaric edib, çünki bu komanda Meksikanın “Paçuka” klubu ilə eyni sahibi paylaşıb. Klublararası dünya çempionatı 15 iyun – 13 iyul tarixlərində ABŞ-da keçiriləcək.